Quba rayonunda Novruz bayramı ilə əlaqədar Qədim Quba Meydanında ənənəvi bayram yarmarkası təşkil olunub. Bayram yarmarkasında kənd təsərüfatı və digər məhsullar bazar dəyərindən hissolunacaq dərəcədə aşağı qiymətlə alıcılara təqdim olunmuşdur. 
       Tüləkəran bələdiyyəsinə ayrılmış subvensiya layihəsi çərçivəsində yaradılmış Tüləkəran bələdiyyəsinin “Tüləkəran Təmiz Kənd” MMC-si də bu yarmarkada öz məhsullarını alıcılara təqdim edib. Məhsullar ekoloji cəhətdən təmizliyi, orqanik olması və yüksək kefiyyəti ilə seçilir. Yarmarkada alıcılara keçi südü, keçi qatığı, keçi pendiri və keçi şoru təqdim edilib. Məhsullar alıcıların və yarmarkanı ziyarət edənlərin marağına səbəb olmağla yanaşı, ziyarətçilərin xüsusi rəğbətini qazanmışdır. 
  Qeyd edirik ki yarmarka 15 və 16 mart tarixlərində davam edəcək. Şəhərimizin sakinlərini və qonaqlarımızı yarmarkada təqdim olunan ekoloji təmiz və yüksək kefiyyətli məhsullardan yararlanmağa dəvət edirik.